فى سنة 2005 طلبت مصر من روسيا التعاقد على حوالى 40 طائرة ميج 29 طراز SMT ومنظومات اس 300 و بوك ام وتور ام للدفاع الجوى ووافق الروس, لكن عندما علم الامريكان بأمر الصفقة مارسو ضغوط كبيرة جدا و تهديد ووعيد بقطع قطع الغيار و تجميد صفقات للالغائها وللاسف رضخ مبارك والغيت صفقة الميج و الاس 300 فى ذلك الوقت,
وهنا يتضح اذا لم تكن الميج 29 تشكل اضافة قوية لسلاح الجو المصرى و تهديد خطير لاسرائيل لما كان رد فعل الامريكان بهذا الشكل,
طيب, نشوف بعض من الفروق بين طراز الميج 29 SMT و الميج 29 MM2,
- الميج 29 MM2 اول طائرة فى تاريخ شركة ميج يعاد تصميمها بواسطة الكميوترو هو ما ادى الى تحسين التصميم بشكل كبير و بصمة رادارية منخفضة مع تعديل شامل في البدن والاجنحة ,
- تم استخدام تكنولوجيا متقدمة فى تصنيع الهيكل وسبائك جديدة من نوع ألومنيوم - ليثيوم وكذلك استخدام اللحام فى أكثر الاتصالات بين أجزاء الطائرة مما أدى إلى تقليل وزن الطائرة وتقليل استخدام الاحكامات فى توصيلات قواطع خزانات الوقود بالجسم وبالتالى استخدامات الفضاءات الداخلية لحفظ الوقود الإضافى فزادة كمية الوقود الكلية فى الجسم وبنفس الطريقة تم استخدام اللحام فى مقدمة الطائرة بما فى ذلك الكابينة ومن جهة أخرى استخدمت المواد المركبة Materials Composite لتصنيع أجزاء كثيرة من الفرامل الهوائية وزعانف الطائرة وأغطية غرف الأجهزة مما أدى إلى تقليل وزن الطائرة.
- زيادة نقاط تعليق الاسلحة الى 9 نقاط,
- المحرك الجديد RD33 MK هو نفسه الذي سيتم تركيبه على الميج-35 ويمتلك قدرة اكبر بنسبة 7% عن النسخة السابقة منه مع تطويره لتخفيض البصمة الحرارية والبصرية لتقليل كمية العادم المنبعث والذي يمكن رؤيته بالنظر بالاضافة لوجود خاصية الدفع الموجه التي زادت من قدرة المناورة للمقاتلة بنسبة 12% - 15%,
- تكلفة التشغيل للمقاتلة اقل بنسبة 2.5 مرة مع امكانية تطويرها اولا باول بأحدث الانظمة المتاحة,
- تطوير نظام التحكم الميكانيكي بالطيران بآخر رقمي بالسلك Fly-By-Wire ورفع قدرة القتال والاشتباك الجوي,
- امكانية استخدام المنظومات الراديوية الألكترونية والمعلوماتية المتقدمة من الجيل الخامس,
- استخدام تكنولوجيا حماية ضد التآكل فى جسم الطائرة ، والمنظومات الرئيسية شبيهة بتلك المستخدمة فى الطائرات البحرية مما يسهل استخدام الطائرة فى ظروف الرطوبة العالية,
- استخدام مبدأ الصيانة حسب الحالة الفنية للطائرة,
- زيادة عمر الخدمة الكلية للطائرة وكذلك الفترات بين عمرات المحركات,
- إضافة نظام جديد لحماية المحركين من دخول أجسام غريبة,
- هذه الاضافات يعتقد انها ضاعفة قدرات وامكانيات الطائرة مرتين/ثلاتة عن الطراز القديم وعالجة معظم نقاط الضعف فيها حتى بدون رادار الايسا مؤقتا مثل,
كانت المشاكل بتتركز على الجانب التكنولوجى في المقام الاولمثل الرادار ليس قوى بما يكفى ومداه ليس بمدى المقابل له فى الرادارات الغربية، وغير ان الطائرة غير مجهزة إن تعمل فى بيئة تشويش إلكتروني كثيفة، ودا كان بيحرم الطيار من استغلال تسليحه وفي نفس الوقت التشويش كان بيفقده الوعي الادراكي للبيئة المعادية من حواليه ومن متابعته للعدو، ودا اللي كان بيخلي اليد العليا للمقاتلات الغربية فى كل مواجهة ضد الميج 29 القديمة.
- اذا لم يعتقد خبراء الطيران بالقوات الجوية بامكانيات و قدرات الرادار الايسا الروسى المنتظر كان من الممكن اضافة الرادار Vixen 1000E الايطالي مثلا,
و خصوصا ان السورس كود سيكون مفتوح و بعدم ممانعة الجانب الروسى لاى اضافات شرقية او غربية على الطائرة كما فعلنا ذلك على الهلكوبتر الروسى كا 52 باضافة منظومة الرصد والتتبع وتوجيه الاسلحة تحمل اسم OES-52 وهي مبنية في الاساس على منظومة Strix من شركة ساجيم SAGEM الفرنسية والمُستخدمة على مروحية " تايجر Tiger " .
- نشوف تقيم الغرب للميج 29 القديمة و قالو ايه,
-قالوا ان مفيش مقاتلة غربية تقدر تصمد ضد الكوكتيل المكوّن من مناورة الميج 29 + خوذة التهديف بالنظر + صاروخ R-73 الحراري الموجه بالاشعة تحت الحمراء,
-نشوف قصة الميج 29 فى العمل فى بيئة محصنة من التشويش وحتى بدون صواريخ متوسطة المدى ومسلحة فقط برشاش وصواريخ R-73 وخوذة تهديف فقط .
الاشتباك كان بين مقاتلة ميج 29 بلغاري بقيادة الطيار " لوبومير سلافوف Lubomir Slavov " ضد مقاتلة اف 16 بلوك 50 من السرب 480 التابع لسلاح الجو الأمريكى ومسلحة بالصاروخ المتطور جدا AIM-9X Sidewinder الموجه بالخوذة الراجل قال ونخلي بالنا انت بتهرب من اول موجة صواريخ متوسطة المدى وبتعمل مناورة الـCrank ( تكسر محاولته إنه يقفل عليك بالرادار بتاعه بإنك تعمل مناورة جهد عالي أقصى اليمين او الشمال ) او مناورة F-Pole ( تدخل من ارتفاع اعلى منه وبسرعة عالية جدا وتضرب الصاروخ بتاعك من اقصى مدى ممكن ينضرب منه عليه قبل ماهو يلحق يضرب الصاروخ بتاعه وتلف وتبطأ بعدها وتحافظ على انه يكون على الرادار بتاعك لغايت ماينضرب ) وبعد كده بأقصى سرعة بتنطلق ناحيته وتدخل فى التفافات عالية الجهد مع الاف 16 ( بعد دايرة واحدة والتانية بتفقد الاف 16 الطاقة بتاعتها وتقريبا بتقف فى الجو ) وقال تعليق لذيذ أوي على الموضوع ده :" أنا كنت بقيس مستوى طيارين الاف 16 من المسافة الى بيخلونى اقدر اوصلها واضربهم منها " يعني عايز يقول إنه كل ماطيار الاف 16 قدر يخلي الميج 29 بعيد عنه كل ماكان مستواه قوي والعكس صحيح ، وده اللي دايما بنقوله إنه في حروب الدوائر Dogfight مقاتلات زي الميراج والاف 16 بتفقد الطاقة فى النوع دا من القتال بعكس الميج 29 اللي بتقدر تلف وتحافظ على الطاقة بتاعتها بشكل مثالي دائما وامكانيتها دي بتكون فى صالحها عند الهروب من الصواريخ وزي ماشفنا سهل جدا الميج 29 تكسر الاقفال الراداري عليها من المقاتلات المعادية .
- وفي حرب " كارجيل Kargil War " عام 1999 بين الهند وبكستان في مقاتلة ميج 29 هندية و قدرت تقفل على مقاتلتين اف 16 بكستاني
وكان اسم طيار الميج كابتن " جوراف شيبر Gourav Chhiber " وهو مات بعدها في حادثة سقوط للمقاتلة في أغسطس من نفس السنة .
يبقى اللي نقدر نقوله إن الميج 29 مقاتلة قوية المناورة ومصممة للقتل فعلا لكن بشرط توافر التكنولوجا المطلوبة والتسليح المطلوب والحماية ضد التشويش ودي أهم حاجة فلو اتحلت المشكلة دي هاتبقى الميج 29 قوية جدا وده اللي حصل ووضح فى الميج 29 MM2 المحدثة،
- فنقدر نقول بكل ثقة و اطمئنان الف مليون مبروك للقوات الجوية النسر الجارح الشرس المفترس الساحق الماحق الجديد,
مشاركة منقولة و مجمعة من موقع القوات المسلحة
